❖🌺小心！6種香港常見對寵物有害年花🌺❖

過年個個都希望花開富貴，買返啲年花裝飾屋企，

整間屋充滿過年氣氛當然好，但可能對家中毛孩有潛在危險？🤔💭

一文睇晒邊啲年花對寵物有害！

🌺劍蘭

毒性：球莖為毒性最強嘅部位。

中毒徵狀：可致狗狗嘔吐、腹瀉、流口水和嗜睡。

🌺菊花

毒性：對貓貓同狗狗都有害。

中毒徵狀：誤食或會出現嘔吐、腹瀉、皮膚過敏、身體不協調和皮膚發炎等症狀。

另外，種植菊花時，通常都會使用殺蟲劑氯菊酯 （Permethrin），對貓貓是一種劇毒。

🌺富貴竹

中毒徵狀：狗狗誤食或導致嘔吐、抑鬱、厭食或流口水。

貓貓誤食會出現異常興奮、瞳孔擴張、抑鬱、嘔吐時帶血等症狀。

🌺杜鵑

毒性：杜鵑花整株植物中均含有梫木毒素（Grayanotoxins），

會影響貓狗體內嘅肌肉運作、呼吸系統同中樞神經系統，非常少量嘅毒素都會引致中毒。 真係要好小心啊！

中毒徵狀：狗隻誤食後或上吐下瀉、四肢無力，甚至心臟衰竭。

🌺水仙

毒性：水仙有毒成份為石蒜科生物鹼，係一種可以引致嘔吐嘅化學物質。

世界各地均有人誤食而中毒嘅案例，同時對貓狗同樣有毒性。

中毒徵狀：流口水、嘔、肚屙、腹痛、呼吸異常、心跳加快、心律失常、昏迷。

🌺百合花

毒性：不論是莖、葉、花或花粉，全部都對貓貓有毒。

中毒徵狀： 食到少量嘅葉或花瓣，無意中舔食到掌上或身上黏附嘅花粉粒，或飲用到花樽內嘅水，都會導致貓貓在三日內引發嚴重嘅腎衰竭。狗狗嘅中毒反應無咁嚴重，但都會出現腸胃不適嘅症狀。

香港常見嘅年花蝴蝶蘭對貓狗都無害，蝴蝶蘭寓意幸福美滿、高潔，大家可以安心購買，但寵物可能會咬，所以唔想蘭花遭殃就要放到毛孩唔容易接觸到嘅位置喇！

另外仲有以下香港常見植物都對毛孩有害，要加倍留意吖！

🍃夾竹桃

🍃花葉萬年青

🍃蘇鐵／鳳尾松

🍃鬱金香和風信子

💊居家準備急救箱：24 小時寵物醫院唔多，所以喺屋企準備急救箱可以暫時緩解貓貓中毒嘅情況。

💊急救箱裡準備啲咩：急救箱裡可以準備一些催吐劑、石蠟液等。催吐劑幫助貓狗將毒物嘔返出嚟，石蠟液可以保護消化道，達到通便嘅效果。如果無石蠟液，用植物油代替亦都可以。

當然，進行簡單急救之後，都係帶返貓貓狗狗去獸醫診所睇睇，檢查下確保無事最安心喇！

各位毛爸毛媽記得 mark 低喇，無論係喺屋企擺設植物定行山郊遊都要多多留意吖！